خامس خطوة فى زواج شرعى

الزواج من المنتدى الاسلامي
الزواج من خلال المنتديات الإلكترونية الإسلامية، حيث يتجمع عدد من الشباب والبنات ويمكن أن تكون هذه المنتديات مكانا للتعارف بين الطرفين طبعا هخلي تعليقي في عدة نقاط منطقية عشان يكون واضح وعايز أقلكم قبل كل شيء أن الإختلاف في الرأي لا يفسد للود قضية

النقطة الأولى
عالم الفضاء الإلكتروني (Cyber Space)
هو ذلك العالم الذي يشدنا ويجذبنا كل يوم والتي تعتبر المنتديات أحد
مكوناته وهي الملتقيات الفكرية التي تجمع عددا من الشباب والبنات لإيجاد حاله من الحوار والنقاش بينهم في مواضيع عديدة وتتنوع هذه المنتديات بين أشكال عديدة من أبرزها المنتديات الإسلامية والتي يقصدها الشباب والبنات ممن لديهم قدر من الإلتزام الديني والحرص على الفضائل

النقطة الثانية
بين الحقيقة والخيال
يا ترى هل تعكس الحوارات التي تتم في هذا الفضاء الإلكتروني شخصياتنا بصورة حقيقية؟ أم أنها مجرد خيالات يفرضها هذا العالم بحكم أن شخصياته مجهوله؟ في إجابتي للسؤال ده هكون منطقي شوية وهقول طبعا ده
هيختلف من مكان لآخر في هذا العالم. فلا يمكن أن يكون الشاب الذي يتحدث في غرفة للدردشة العامة مثل الذي يكتب في منتدى عادي مثل الذي يكتب في منتدى إسلامي، أكيد هيكون فيه إختلاف وهيكون فيه تباين بين الشخصيات فكل إنسان بيختار المكان المناسب لشخصيته، لكن وكما يقولون لكل قاعدة شواذ ولا بد من وجود شواذ في القاعدة ال ذكرتها وهنا
تكمن الخطورة

النقطة الثالثة
المنتديات الإسلامية
هنحاول نقصر كلامنا على المنتديات الإسلامية على أساس أنها أفضل الخيارت المتاحة في هذا الفضاء وهنفترض حسن النية في أغلب من يرتادها وهنفترض أن شواذ هذه القاعدة قليلون جدا لكن هسأل سؤال هل الحوار المثمر والآراء الجميله التي يطرحها الأعضاء تعبر تماما عما بداخلنا وعن مستويات تفكيرنا ومدى إلتزامنا بما نكتبه؟
حقيقة لا يمكننا الجزم بذلك من خلال المنتديات فقط، فطبيعة الإنسان هي التجمل أمام الآخرين وإظهار أفضل ما لديه لكنه قد يفتقد للتطبيق العملي لما يقوله في حياته العملية وبما لا يدع مجالا للشك أستطيع أن أقول إن المنتديات تظهر بعضا من الجوانب الخارجية المشرقة للإنسان لكنها لا تظهر كثير من الجوانب الخفية في شخصيته سواءا كانت هذه الجوانب سلبية
أو إيجابية

النقطة الرابعة
هل يكفي الجانب المشرق الظاهر للحكم على إنسان؟
إطلاقا هذه الجوانب لا تكفي للحكم على الإنسان وليست مقياسا لقبول هذا الإنسان القبول الشرعي الذي يؤدي للزواج وأعتقد أن هذه المنتديات
لن توفر أكثر من 10% فقط مما نود أن نعرفه عن الطرف الآخر. وبدون وجود فرصة للتحقق من صدقه أو عدمه

النقطة الخامسة
التعارف الحقيقي
التعارف الحقيقي على أرض الواقع وما يليه من فترة خطوبة يقودنا إلى التعرف على (50% فقط من شخصية الإنسان)، وال 50% الباقية لا يمكن
أن نعرفها إلا بعد الزواج ولهذا نحن نصلي صلاة الإستخارة ونكررها حتى
يهدينا الله سبحانه وتعالى ويوفقنا في ال 50% المجهولة والتي سوف تظهر بعد الزواج وكما قلت في النقطة السابقة 10% أو أقل فقط ممكن نعرفها من خلال مشاركاتنا في المنتديات وليست كافية إطلاقا لإتخاذ قرار

النقطة السادسة
هل المنتدى مكان مناسب
اتكلمنا كتيير عن الأسئلة التي يسألها الشاب أو البنت للطرف الآخر حتى يتعرف على مختلف جوانب شخصيته وحتى يتخذ الطرفان قرار الخطوبة
وبدون هذه الأسئلة لن يتم التعارف الصحيح
طيب هل يستطيع الطرفان سؤال بعضهما من خلال المنتدى؟
اعتقد أنه من المستحيل أن يقبل أي طرف بهذا فهذه الأسئلة تأخذ طابع الخصوصية بين طرفيين ولن يقبل أحد أن تكون على الملاء بالضبط كأن الطرفين في ميدان التحرير وماسكين ميكروفونات مكبرة وبيسألو بعض
وهو أمر لا يقبله عقل أو منطق

النقطة السابعة
أسلوب التقييم
أسلوب تقييم الطرف الآخر لن يكون نافعا بدون المواجهه المباشرة لأن تعبيرات الوجه وأسلوب إدارة الحديث وإنفعالات الجسد تعتبر عوامل مهمه جدا في الحكم على كلام الطرف الآخر
هذه النقطة بالذات أعتقد أن أغلبكم هنا قد تعرض لها طبعا أنا استنتجت
ذلك من حكايات حضراتكم والمتمثلة في رفض الخطيب ليس بسبب إن اجاباته سيئة بل لأنكم استشعرتم عدم صدقه أو عدم جديته أو أن أسلوبه في التعامل يختلف تماما عن الإجابات المثالية التي كان يجيب بها على استفسارات الطرف الآخر

النقطة الأخيرة
الخاطبة
أعتقد أن كل بنت في هذا المنتدى وغيره من المنتديات الإسلامية تستطيع القيام بدور الخاطبة ولكن بصورة مبسطة من خلال البنات الأخريات في
المنتدى بعد التعرف عليهن بصورة حقيقية وأن يكون هذا التعارف على أرض الواقع ثم كمرحلة ثانية تبحث كل بنت عمن حولها من الشباب من اقاربها وتحاول التوفيق بينه وبين أخواتها من البنات بعد المعرفة الحقيقية على سبيل المثال الأخوات المشاركات في هذا الموضوع كثير وأعتقد أنهن بدأن التعارف من خلال الإيمل طيب لماذا لا يكون هناك لقاء بينهن مثلا إذا كن يقمن في مدينة واحدة القاهرة مثلا ويحدث بينهن معرفة على أرض الواقع وتستطيع كل منهن محاولة التوفيق من خلال أقاربها أو جيرانها من الشباب
وأعتقد أيضا أن إخواني الشباب ممكن يكون لهم دور مشابه لما تقوم به البنات
2 هنا فعلا فى المنتدى موضوع اسمه الخاطبه الاسلامى بس هو صعب
شويه بس بقا موضوع الخطبه دا هنا فى المنتدى معجبتنيش فكرته فى شىء لقتهم بيقولو ان فيه استمار هو انتر فيو المهم بقا على نقطه ان العضو يعجب بعضوة من على المنتدى دى صعبه شويه اقولك ليه مش كل واحد فى المنتدى بيكون على طبيعته بمعنى انه بينقى كلامه لان المنتدى منتدى اسلامى صح يبقا مهما عمل مش هيعرفوا بعض بردوا مع ان فيه اخ واخت لينا فى المنتدى ربنا اكرمهم واتخطبوا

بالنسبة للجواز عن طريق النت
على النت الواحد بيكتب بيمسح ثم يرسل الكلام فمستحيل تعرفى اللى أمامك صعب جدا فبيظهر الواحد كإنة ملاك فإنتى اللى شفتية دة أحسن جانب فية على الأطلاق وحتى أنطباعك عنة فى أول مرة تشوفية تحسى إنك أمام شخص مختلف جدا فإنتى كنت معجبة بحروف وبتظهرعلى الشاشة الكمبيوتر ثم أنتى عايزة تربطيهم ببنى أدم ستحسى بتعب فبتخطتى للفشل وما بني على باطل فهو باطل فالبنت تقفل باب الشيطان دة أحسن ليها لدلوقتى ولبعدين و تقول للشاب لو عايزنى أدخل لى من باب بيرضى ربنا وأنا سأكون مرحبة بيك
أما دخول الولد من الباب فهو أحتراما للبنت وتصبح البنت غالية وتنزل عليها بركة ربنا عارفة وأفضل وقت تقول يعنى أما تدخل من الباب وتعمل بالطريقة الصحيحة أو لا هو فى البداية وكمان علشان تحصل بركة ربنا فى الزواج يجب أن نسير فى طاعة ربنا وحتى ولو حصل زواج فلا يمكن الوصول لزواج مبارك من الله عن طريق السير فى طريق كلة معاصي وطريق يكرهه ربنا ولهذا تفشل زيجات كثيره وموضوع الزواج ده بالذات لا يستحمل اي خطا فهو حياتك ومستقبلك كله وما تركت شيئا لله الا رزقك الله خيرا منه

التعارف او الارتباط صالونات
1 يبقى لازم التعارف ياخدوقتى حتى يقتنع الطرفيت قبل الارتيباط كان عمرو خالد اتلكم فى الموضوع دة فى مجلة كل الناس تقريبا لا اتذكريعنى لو عكسنا الاية يعنى الولد ارتبط بيكى على اساس انك كويسة بس بيحاول يحس بيكى و انتى عمالة تتعليقى بية و بعدين لقة انة مش قادر يحس
بيكى فقرر الانفصال ياترى اية احساسك
2 بالنسبه لجواز الصالونات يعنى انا اتقدمت لبنت عن طريق حد او البنت اتقدم لها حد تعارف صالونات يعنى يبقى كلا الطرفين يطلب كذا لقاءللتعارف
وكذلك الاهل ويكون الاكلام فى الحياة وكلاكما يعزم الاخر
و او يزور الاخر فى المنزل علشان كل واحد يشوف التاى فى البيت وبشوف هما عايشين ازاى ولما يحس الطرفين انهما فى تجانس او فى قبول يبقى الارتباط الرسمى والكلام فى الماديات
3 بالنسبه لجواز الصالونات اكيد الحب مبيحصلش من الاول على طول كده بيحصل قبول ورضا بين الطرفين بس المشكله اذا طرف حب التانى ولسه متاكدش من مشاعره ويصرحله بحبه وخصوصا اذا كان الشاب هو الى حب البنت الاول وبيوضحلها على طول والحكايه دى حصلت مع صحبتى ارتبطت بانسان ملتزم ووافقت عليه لانه فعلا انسان كويس ووجدت فيه بعض الصفات الى هى كانت عاوزاها وان شاء الله يقدروا يعينوا بعض علي طاعه ربنا
طيب المشكله فين عند صحبتى لانها محتاره هى شايفه انه بيحبها وهى لسه متاكدتش من مشاعرها وهى فعلا وجدت فيه صفات كويسه ومقتنعه بيه تماما بس الموضوع فى مشاعرها هى مش عارفه تتصرف ازاى الموضوع تعبها شويه



موضوع الحجاب

لو البنت كان حجابها مش مظبوط وحاولت كشف عن جزء من اللى المفروض تغطيتة أو التبرج لشد أنتباة الولد الولد صحيح سيشد أنتباة لحظتها بس ستنزل من نظرة نزولا كبيرافلو بنت حبت تشد أنتباهه لأى سبب من الأسباب أكتر من كدة بإستخدام طرق لا يرضاها الله حتى ولو كانت صغيرة فينزع الله من قلبة الأعجاب ويضع الشك ويجعلة يحس إن مش هى دى الزوجة اللى هو عايزها
قال رسول الله قلوب العباد بين أصبعين من أصابع الرحمن اللهم مصرف القلوب صرف قلوبناعلى طاعتك من صحيح رواه مسلم فلو الشاب عايز يلعب مش حيدخل من الباب فإفهمى إن الولد لو دخل من الباب يبقى مش عايز يلعب اللى يشد الولد أثناء الخطوبة حياء البنت و دينها علشان يطمئن لها لإنة عارف إنها إذا كانت متحررة شوية حتيجى على دماغة بعد الجواز وحيضيع الأمان بينهم فإذا رخصتى نفسك وتنازلتى عن كونك بنت مصونة ولو بقرش واحد ستنزلى من عينة وحتكونبداية النهاية وحيبوظ الموضوع وقد يكون أمتحان وضعة الخطيب لك فإذا وقعتى فية حيقول لنفسة وأنا أضمن منين إنها لم تقع مع أحد تانى غيرى

نصايحى للبنات
1 اوعى تعصى ربنا عشان تعجبى العريس يعنى تنزلى بحجابك وبمكياج وده هيديكى ثقه اكتر في
2 نفسك لانه شافك على طبيعتك ولو موافقش هو اللى خسران تقعدى بوقار وتتكلمى بهدوء
3 تحاولى تندمجى فى الكلام اللى انتى في عشان تنسى الموقف البايخ
4 لو العريس معجبكيش متبينيش احباطك متحرجيهوش عشان
5 اهم حاجه هىالاستخاره والله اللى بيستعين بربه وبيساله عمر ما ربنا بيخزيه ابدا ودايما بينصره وياريت متصلوش الاستخاره مره واحده بس

الوصول الى قلب الفتاة ليس بكلمة بحبك
ولكن الوصول اليها يكون باحساسها بالأمان والحماية من طرف الشخص اللي حتعيش معاه مابقي من عمرها، فالرجل بالنسبة للمرأة وقبل كل شئ رجولية وليس أي شئ آخر، والرجولية هنا لا أقصد بها الضرب والشتم والترجل الذي ليس في محله ولكن بالموقف فالرجل يعرف بمواقفه وتحليله للأمور يعني أنا أٍريد أن أقول أنه يجب أن يكون صلب وفي نفس الوقت لين قاس وفي نفس الوقت حنين فضعف المرأة يكمن في قوة الرجل فهي تكون مرتاحة ان هناك واحد قادر يدافع عنها ويحميها حتى وان كانت لها شخصية قوية فبدافع أنوثتها دائما تنتظر الحماية من طرفها الثاني

أما الرومانسية
فالمرأة بطبيعتها تكون أكثر رومانسية من الرجل واذا أحبت
شخص فهي تحبه بكل عواطفها وتسلم له مفتاح قلبها دون
أن تفكر أو تستخدم عقلها فهي تراه وتكلمه وتتعامل معه
وخاصة في أيام الخطوبة اللي هي من أجمل الأيام فهي
جميلة ومطلوبة ولكن دون مبالغة حتى لا تصبح بدون أي معنى أي مجرد كلام ومعاملة الفتاة لازم يكون بطريقة راقية أي لازم اللي يعاملها بكل رقة وأدب لأنها مخلوقة من ضلع أعوج واللي يحاول يعدلو حيكسرو وطبعا هذا لا يمنع أن يلومها ويأنبها عند خطأها أي أنه لايجب أن يستسلم دائما لآرائها حتى و ان كان رأيه مخالف خوفا من أن يخسرها بالعكس فهو بهذا يبين لها ضعف شخصيته
والمرأة لا تحب الرجل الضعيف فالحب ليس مجرد أسطوانة أقوال أي كلام نتلفظ به دائما عندما نرى الطرف الآخر، و لكن الحب احساس صادق و سامي نظهره بأفعالنا و ليس أقوالنا فالمرأة بطبيعتها تكون أكثر رومانسية من الرجل و اذا أحبت شخص فهي تحبه بكل عواطفها و تسلم له مفتاح قلبها دون أن تفكر أو تستخدم عقلها فهي تراه و تكلمه و تتعامل معه بقلبها

اللي بخوف البنات من الجواز
1 المشكلة سببها خوف من سوء الاختيار
2 أو يكون خوف انها تحصل مشاكل والموضوع ميكملش
3 البنت دايما بتخاف من المستقبل وده بسبب حاجات كتيره
4 ممكن احساس بالقلق والخوف من ان العريس يعجب الاهل
ولا يعجب العروسه
5 البنت بتخاف تتعلق بواحد وميبقاش يستاهل والموضوع ينتهى
6 لو عريس فيه كل المواصفات من عيلة ومركز وتوافق مادى ولم
يصلي ولازم يبقى فيه توافق فى الدين
7 بيبقى سببها الخوف من دخول تجربه جديده خصوصا لو كان فى تجارب سيئه قبل كده
8 ان معظم البيوت الان مش كلها فيها مشاكل كتيير وده بيبقى مفعوله سلبى بالنسبه للبنت فبتخاف جدا من ان يحصل لها كده من غير ما تفكر ان ده كلو بايدها هى يعنى تصرفاتها واختيارها الصحيح للزوج هو اللى ممكن يخلى البيت جنه

إية السبب إن بنت تجد ماحد متدين ومرتبط بيها وميحصل قبول
1 ممكن البنت تحس بعدم إرتياح بس لا يكون لان الولد فية مشكلة
2 مش عايزة أرتباط
3 مش قابلة فكرة الزواج
4 شافت ناس كتير مش ناجحة فخافت من الزواج
5 حاطة أحلام مش واقعية فى زوج المستقبل مفيش حد مثالى
كلة فية عيوب والإستخارة مش معناها حلم ولا مشاعر لأن الشيطان والحالة النفسية والأكل ممكن يخليكى مش حاسة إنك مبسوطة الإستخارة معناها إنك تمشى فى الموضوع بكل طاقتك وعايزة تكملية بس الله لا يكملة لكى لإن الله أعلم بمصلحتك وهو يعلم الغيب

البنات نسبة الاكتئاب عندها أكتر من الولاد
السبب هو الهرمونات لو اتكلمنا طبيا المرأة بتعيش حياتها كلها هرموناتها عمالة تعلى وتنزل ولو شوفتوا الرسم البياني تتخضوا الارتفاع والهبوط في خلال الشهر يهد جبل لأن الهرمونات دي ليها تأثير كبير على الجهاز العصبي وتغيير نسبة وجودها في الدم جامد كده بتعمل اختلاف قوي في المود كل يوم طبعا دي التغيرات العدية اللي بتحصل طول عمرها فما بالكوا بقى فترة الحمل وبعد الولادة

الجواز
لا تحب الزوجة زوجها ولا تتحمل مشاكلة علشان خاطر حبابى عينية ولا تربى الزوجة أولادها علشان تشفهم فى أحسن وظيفة ولا يبنى المسلم بناء فى الدنيا علشان خاطر يكسب ولا يعمل المسلم حاجة فى الدنيا للدنيا الل يعمل كدة يبقى غبى وضعيف البصير فهى ستموت وزوجها و أولادها سيموتوا والبناء سيهد والدنيا ستفنى بس المسلم زى مإنتم عارفين يعمل كل شئ لحياتة فى الأخرة فإنتى تحبى زوجك علشان الأخرة وأنت بتتحملى عيوبة من أجل الله علشان لما نقف أمام الله عرايا نرتعش فى قمة ضعفنا والله فى قمة سلطانة ونقول يا رب عايزين ندخل الجنة يبقى فية حاجة عملناها لأخذ هذا الكنز اللى ربنا بيقول علية دة غالى

لية المشاكل الموجودة فى الزواج
فيه حالة نفسية مشابهة جدا بتحصل للزوج بعد الزواج هو ده اللي سمعته بعد ما يتجوز وتعدي الفترة اللي يبقى سعيد فيها جدا انه حصل على حلم حياته بعد ما يصدق ان حلم حياته اتحقق يبدأ يحس ان زوجته مجرد سجان عايزة تحبسه جنبها وتبعده عن العالم كله ويبقى عايز يفك منها بأي طريقة ده غير احساس تاني كان الأول أيام الخطوبة يبقى عايز يشوفها ومش قادر بيبقى محروم منها يشوفها شوية وبعدين لازم يفترقوا حتى لو مشبعش منها لكن دلوقت هتروح فين لو عايز يشوفها هيشوفها متوفرة في أي وقت فخلاص احساسه بأنها حلم حياته اللي نفسه يحصل عليه بينتهي ممكن يغيب عنها قد مهو عايز لأنه وقت مايعوزها هيلاقيها موجودة وده بيخليه ميعوزهاش خالص ده كلام علماء نفس مش كلامي
المرأة شعورها مختلف تماما لو عاشت طول عمرها معاه مش هتزهق طيب ايه الحل أكيد نفس الحل السابق ده بيتك ودي زوجتك وأكيد الشيطان هو الي بيقولك ان سعادتك مش معاها لازم تتغلب عل الاحساس ده لو الرجل فهم ده هيتجنب مشاكل كتير بتحصل بعد الزواج
فيه حاجة تانية أكيد لما اتنين مختلفين عن بعض في طباعهم وعاداتهم فجأة يعيشوا مع بعض لازم يحصل تضارب في الطباع المشكلة ان الرجل بياخد موقف عدائي وبيعتبره اثبات لرجولته انه يمشي البيت على طباعه
هو بس مينفعش طبعا لازم يبقى فيه حل وسط يرضي الطرفين زي ما قلت قبل كده لازم الطباع تنصهر وتعمل طباع وسط تناسبهم هم الاتنين