ثالث خطوة فى زواج شرعى

[size=18]مفهوم التدين
تعقيبا على سؤال حول مفهوم التدين عند الزواج، عايز أطرح بعض النقاط على هذا الموضوع وكلها تمثل وجهة نظري

النقطة الأولى
مفهوم التدين
كلمة التدين جاءات من إتباع الدين، وأعتقد كلنا في هذه الصفحة نتبع الدين الإسلامي، إذا كلنا متدينون بالإسلام لكن طبعا الناس متفاوته في إلتزامها بالدين، وعشان كده أقترح إننا نستخدم كلمة الإلتزام لنعني بها تفاوت الشباب والبنات في إلتزامهم بأحكام الدين

النقطة الثانية
مفهوم الإلتزام
اتفقنا هنستخدم كلمة الإلتزام، وإتفقنا إننا متفاوتون في إلتزامنا بالدين،
فمنا شديد الإلتزام بالدين ومنا قليل الإلتزام ومنا من هو غير ملتزم أبدا طب عايزين نعرف إيه هو الحد الأدنى من الإلتزام بالدين هنقل قصة من السيرة النبوية هنعرف منها المقصود
عن ابن عباس قال بعثت بنو سعد بن بكر ضمام بن ثعلبة وافدا إلى رسول الله صلى الله عليه وسلم فقدم عليه وأناخ بعيره على باب المسجد ثم عقله ثم دخل المسجد ورسول الله صلى الله عليه وسلم جالس في أصحابه وكان ضمام رجلا جلدا أشعر ذا غديرتين فأقبل حتى وقف على رسول الله صلى الله عليه وسلم في أصحابه فقالأيكم ابن عبد المطلب؟ قال فقال رسول الله صلى الله عليه وسلم أنا ابن عبد المطلب قال أمحمد؟
قال نعم قال يا ابن عبد المطلب إني سائلك ومغلظ عليك في المسألة فلا تجدن في نفسك قال لا أجد في نفسي فسل عما بدا لك قال أنشدك الله إلهك وإله من كان قبلك وإله من هو كائن بعدك آلله بعثك إلينا رسولا؟ قال اللهم نعم قال فأنشدك الله إلهك وإله من كان قبلك وإله من هو كائن بعدك آلله أمرك أن تأمرنا أن نعبده وحده لا نشرك به شيئا وأن نخلع هذه الأنداد التي كان آباؤنا يعبدون معه؟ قال اللهم نعم، قال فأنشدك الله إلهك وإله من كان قبلك وإله من هو كائن بعدك آلله أمرك أن نصلي هذه الصلوات الخمس؟ قال اللهم نعم قال ثم جعل يذكر فرائض الإسلام فريضة فريضة الزكاة والصيام والحج وشرائع الإسلام كلها ينشده عند كل فريضة منها كما ينشده في التي قبلها حتى إذا فرغ قال فإني أشهد أن لا إله إلا الله وأشهد أن محمدا رسول الله وسأؤدي هذه الفرائض وأجتنب ما نهيتني عنه ثم لا أزيد ولا أنقص ثم انصرف إلى بعيره راجعا قال فقال رسول الله إن صدق ذو العقيصتين دخل الجنة يبقى معرفة الفروض الأساسية في الدين والعمل بها لكل من الرجل والمرأة يعتبر الحد الادنى من الإلتزام ويزيد على ذلك
بالنسبة للمرأة أمرين الالتزام بالحجاب وطاعة الزوج فكلاهما فرض



النقطة الثالثة
العالم والإنسان الملتزم
العالم هو الإنسان الملتزم المتبحر في مختلف العلوم الدينية
إلى أن يصل فيها لدرجة عالية من الإتقان فنطلق عليه عالم او شيخ
أما الإنسان الملتزم العادي فهو من يطبق تعاليم الدين لكن لم يصل لدرجة كبيره من العلم يبقى مش كل إنسان ملتزم هو عالم وإنما يتفاوت الشاب والبنت في الإلتزام بقدر تطبيقهم للدين

النقطة الرابعة
الزواج وإختيار صاحب أو صاحبة الدين
من المفاهيم ال ذكرتها، واضح دلوقتي إيه المقصود من حديث الرسول فاظفر بذات الدين يعني كلما كانت البنت ملتزمة أكثر، كلما كان أفضل
ومثال على كده:
البنت محجبة وتصلي الفروض يبقى عندها الحد الأدنى من الإلتزام
البنت محجبة وتصلي الفروض والنوافل يبقى الإلتزام عندها أكثر شوية
البنت محجبة وتصلي الفروض والنوافل وقيام الليل يبقى الإلتزام عندها أكثر وأكثر طبعا مع الأخذ في الإعتبار أنها تؤدي بقية الفرائض من صيام وحج وزكاة يعني مش الصلاة وبس وبردو الشاب في ذلك مثله مثل البنت بالضبط، نقيس مدى التزامه بمدى تطبيقه لأوامر الدين طيب القياس ده هيتم إزاي ؟
هيتم من خلال الأسئلة إل هيوجها كل طرف للآخر عند الخطوبة وخلال فترة الخطوبة، وكل طرف هيقيم إلتزم الطرف الأخر من الأسئلة ده
طبعا في بنت يهمها إن الزوج فقط عنده الحد الأدنى
وفيه بنت يهمها أن الزوج يكون متوسط الإلتزام
وفيه يهمها إنه يكون إلتزامه عالي جدا.
وفيه من لاتهتم بالإلتزام اطلاقا لكن العقل بيقول إن الملتزم هو اللي هيراعي حقوق ربنا في زوجته
وهيحفظها ويكرمها وكلنا عارفين أن المسلم إذا أحب زوجته أكرمها وإذا كرهها لم يهنها




النقطة الخامسة
هل المظاهر وحدها تكفي للحكم على الإنسان بالإلتزام
طبعا لا المظاهر وحدها لا تكفي لكن حين نرى من الإنسان مظهرا
يدل على الإلتزام هنا نبدأ بالبحث المعمق عنه لنتأكد فعلا أن اعماله مستوحاة من مظهره وأنه ليس ملتزما بالشكل فقط

النقطة السادسة
هل تكفي المحافظة على الفرائض وعدم الألتزام بالمظهر الإسلامي ؟
مثـــــــــال
يعني بنت تصلي لكنها لا تلبس الحجاب او سيئة الخلق أو ..
شاب محافظ على الصلاة لكنه غير ملتحي مثلا أو سئ الخلق
أو يضحك على بنات الناس ويعدهن وعودا كاذبة..
مقولة أن الإسلام لب وقشور وإن الإلتزام باللب يعوض عن الإلتزام بالقشور مقوله غير صحيحة تماما فالإسلام كله لب وكل أوامره ونواهيه وكل فرائضه وسننه مهمه وهو دين متكامل يؤثر على أعمال الإنسان ومظهره وأخلاقه ومعاملته للناس
هضرب لحضراتكم مثال وهستأذنكم في أن يكون المثال أنا:
أنا مثلا أبحث عن بنت ملتزمة لكن إيه الإلتزام إل أنا أبحث عنه هل أبحث
عن عالمة تعلم كل صغيره
وكبيرة في الدين؟ أعلم أني لن أجدها كل المطلوب أن تكون محافظة على صلاتها وصيامها، ملتزمة بالحجاب، تقرأ القرآن، أخلاقها عالية عندها حياء تعرف حقوق الزوج واهمية طاعة الزوج يعني من الآخر تعرف الفرائض الأساسية عن الدين طيب وأنت أختي البنت:
لو جاكي عالم يطلب إيدك فده طبعا شيء جميل جدا لكن لو جاكي إنسان عادي هتقيمي إلتزامه إزاي؟ ببساطة محافظ على صلاته وصيامه أخلاقه عالية يقرأ القرآن
يعرف حقوق الزوجة، مهذب في تعامله مع الناس

1 الدين المعاملة يعني لو في واحد متدين جدا وبيعامل الناس وحش ده طبعا هيعامل زوجته وحش انا قصدي ايه لو كان في واحد كويس اخلاقه عالية بس مش متدين اوي وعنده استعداد ليه لا وهاتخدي كمان ثواب
2 الدين معاملة قبل أن يكون أي شئ آخر و أين المعاملة هنا، والدين أخلاق فأين هي الأخلاق، لماذا نستهين بكل هذه الأمور ونتجه فقط لحفظ القرآن لماذا نتقن حفظ القرآن ولانتقن العمل به
3 الدين هل هو صلاة وصيام وقيام ليل فقط بدون أن نراعي الجانب الأخلاقي؟ أم هو مجرد مظهر أي أن أي شخص يرتدي قميص وملتحي نقول عنه أنه متدين؟ وأنا رأيي أن كلاهما خطأ ألا ترون أن الأخلاق و التدين كلاهما مرتبط بالآخر فلا ينفع أن نفصل بينهما ونقول أنه متدين ولكنه ليس بمتخلق ونحن نعلم أن الدين الأخلاق وهذا ماقاله سيد الخلق محمد فالمتدين قبل تدينه يجب أن يكون على خلق لأن الخلق الصالح وحده يساعد ويقود الى التدين والا يكون هناك تناقض كبير فالتخلق هو
المرحلة التي تسبق التدين والمتدين الحقيقي هو الذي يحرص ويهتم بداخله و باطنه قبل أن يهتم بمظهره وهذا ما يظهر في تصرفاته وتعامله مع الآخرين وطبعا هذا لا يمنع من وجود أخطاء فيه الله وحده هوالكامل فمن يبحث عن الكمال في الناس لن يجده أبدا
4 أغلبية الناس بيقيسوا التدين بالشكل الخارجي أو بمقدار
العبادات اللي بيؤديها الشخص من صلاة وصوم بالنسبة لي الانسان المتدين هو انسان يؤدي كل الفروض فاهم عقيدته كويس فاهم يعني ايه الدين الاسلامي عارف ايه حلال وايه حرام بيجتنب المحرمات ويتقي الله في كل أفعاله ويحاول انه يعمل كل العبادات والسنن اللي يقدر عليها والتدين معناها اللفظي الاتزام بالدين والتمثل بيه عشان كده مفيش حاجة اسمها واحد متدين وواحد مش متدين لكن فيه شخص متدين وشخص أقل تدينا لكن أي انسان يبتغي رضى الله هو عنده درجة معينة من التدين دي صورة التدين من وجهة نظري
5 مين هو المتدين؟ للاسف كلمة متدين بقت تتقال كده وخلاص اول ما تسألي حد صفات فارس احلامك ايه تقولك متدين ومفيش حد فكر يقعد مع نفسه ويشوف ايه مواصفات المتدين ده
6 انا في رايي الدين المعامله يعني مش بس صلاة وصيام وزكاه ومعاها
سوء خلق وعدم اكتساب فن تعامل من الناس وللاسف النوع ده كتير اوي وربنا قال عنهم (يا ايها الذين امنوا لما تقولون ما لا تفعلون)
7 انا فرايي المتدين ده شخص فيه عدة صفات:
ملم بأولويات دينه يعني بيصلي الفروض وبيؤدي زكاته ومش بيضيع اي ركن اساسي من اركان الاسلام
شخص يجيد حسن التعامل مع الاخرين عشان يبقي واجهه مشرفه للدين اللي هو شايل اسمه
بار يأهله لانه حتي لو مش متدين 100% بدعوة اهله الصالحين ممكن يبقي احسن الناس كلها
مثقف ملم بمعلومات الدنيا اللي حواليه عشان ميبقاش في نظر الناس المتدين ده واحد بيقول قال الله وقال الرسول بس
طبعا حسن الأخلاق ودي مهمه اوي ويمكن ضعفها دلوقتي هو سبب كل المشاكل اللي في مجتمعنا لكن بس واحد واقف علي السجاده ليل ونهار وخلاص ميبقاش متدين طبعا ياريت يبقي فيه كل الصفات دي الي جانب انه قريب اوي من ربنا لكن بما انه مفيش انسان كامل زي ما قولتو قبل كده يبقي نوزن الأمور أحسن منروحش لكفه علي حساب كفه تانيه وطبعا ده رايي المتواضع



أيهما أفضل ؟ أن يختار الشاب البنت الأفضل منه في الإلتزام بالدين
أم العكس أن يختار بنتا أقل منه في الإلتزام بالدين ؟
1 من وجهة نظرى لو الشاب ملتزم كويس اوى وعنده قدره على الدعوه واستمالة القلوب لله يبقى يختار البنت اللى اقل منه فى التدين لانه هياخد فيها ثواب ولان لما ولد يغير بنت اسهل مليون مره لما بنت تغير ولد انما بقى لو الشاب معندوش قدره دعويه يبقى الاحسن انه ياخد بنت من مستو تدينه او اعلى منه
2 أرى إنه من المهم أن يكون هناك تقارب بينهم فى مستوى الإتزام وإن كان هناك شخص أقل فى الإلتزام فلتكن الفتاة وليس الشاب لأن الشاب عند الزواج سيكون هو المسئول وكما نعلم كلكم راع وأظن أن الرجل هو راعى البيت والمراة أيضا راعية فى بيتها ولكن فى حالة أن الشاب هو اعلى إتزاما من الفتاة أفضل لانه مسئول عن توجيهها وتعليمها وفى حالة لو أن الفتاة هى اعلى إتزاما ممكن جدا لا يتقبل زوجها كلامها ودعوتها له من باب أنه الرجل الذى لا يرضى أن توجهه زوجته
3 أعتقد ان ده بيعتمد على شخصية الفرد سواء كان المؤثر الزوج أو الزوجه لأن كتير زوجات أثروا فى أزواجهم وكتير حصل العكس وبرده كتير أزواج فشلوا فى اصلاح زوجاتهم و ساعات برده زوجات فشلوا فى كده علشان كده أعتقد ان المسأله مسألة استعداد من الأول واقتناع يعنى لو الطرف الغير ملتزم عنده استعداد من الأول للتغيير للأحسن الطرف الآخر أكيد حينجح ولو الطرف الملتزم عنده الصبر والعزيمه لتحقيق هذا التغيير حينجح
4 اعتقد ان مدى استعداد الشاب هو الاساس ومدى طموحه فى شريكة حياته فهل هو يتمنى زوجة عادية او زوجة ملتزمة ام شديدة الالتزام فاذا كانت ملتزمة لكن بدرجة اقل منه وباقى جوانب شخصيتها تتفق مع شخصيته وتواجد بينهم التفاهم والاحترام والتوافق والهدف الواحد وهو انشاء اسرة اسلامية يرضى عنها الله عز وجل فمن المؤكد انه سوف يستطيع الارتقاء بها فى مستوى الالتزام وده اكيد هيكون ليه احساس
اجمل واثر اقوى
5 على حسب الاستعداد اى لو عند الشا ب استعداد للدعوه ياخذ الاقل منه فى التدين لكى يرفعها ولكن اذا لم يكن عنده استعداد للدعوه فياخذ الافضل منه لكى ترفع ايمانه لابد ان يختار كل واحد الشخص الذى يحس انه يحتاج له فى كل حاجه اى الشخص الذى ينظر له على انه هو الذى سوف يعطيه الامان وايضا سوف يرفع من مستواه العلمى والعملى والدينى اى يختار الشاب والفتاة الطرف الاخر على حسب الذى يحتاجه منه ان
ينميه فيه
6 انا بتهيألي الحكايه دي محتاجه قوة ادراك من الشاب وانه يحكم علي نفسه صح بمعني:
لو هو حاسس انه عنده قدرة للتمسك بدينه ايا كانت الالهاءات والظروف حواليه وشايف انه عنده القدره علي التأثير في الاخر بدون ان يتأثر هو يبقي طبعا الأحسن انه ياخد بنت اقل منه دينيا يكسب فيها ثواب ويعليها معاه ويعينها علي طاعة الله واكيد في الحاله دي حيبقي الثواب كبير والخلاصه هي انه لازم احد الطرفين يكون قوي دينيا عشان ياخد بايد التاني عشان تكون المحصله بيت يتقي الله ويراعي حرماته ويجيب اولاد يبنوا الاسلام مش يدمروه
7 انا راى خير الامور الوسط ان الشاب يحاول ان يختار من تكون مثله فى الالتزام او اوقل منه لان عندما يكون الشاب اكثر التزاما يكون الوضع اسهل بكتير لما يكون العكس وفى نظرى سواء البنت او الشاب كان اقل من التانى فى حاجات بسيطه اكيد كل طرف فيهم هيحاول ان يرتفع بالتانى ويرتقى بيه لان هدفهم الرئيسى هو ارضاء الله

ليه البنت بتدور على المتدين:
أنا شايفة انه بيكون لسبب من اتنين
ا اما انها خايفة تتجوز واحد تدينه أقل منها فتتأثر هي بيه بدل ما تؤثر فيه وتدينها يقل. فتبقى عايزة واحد يرفعها مش ينزلها
ب أو تكون عايزة تأمنه على نفسها، لان طبعا الزوجة أضعف من الزوج، وسهل قوي انها تتظلم لو كان الزوج ظالم، والحاجة الوحيدة اللي تخليك ضامنه انك متتظلميش ان يكون زوجك بيخاف من ربنا فمش ممكن يغضبه ويجور عليك

الخاطب اللي يخطب ويسافر وتبقي معرفته بخطيبته بس عن طريق التليفونات والنت
كلما كانت المعرفة أكتر بين الطرفين كلما كان أحسن
عيوب المعرفة عن طريق التليفون والنت انهم مبيشفوش بعض يعنى لو شخص جلس يتكلم معاكى ساعة فى التليفون هل حيفرق بين شخص جالسة يتكلم معاكى وجة لوجة فية فرق بس هل فرق عظيم لما يكون الموضوع بالتليفون بين الخطيب وخطبتة فقط لية مميزات برضو
تعالوا نبص من الناحية الأجابية
1 السفر يؤدى إلى زيادة فترة المعرفة بين الطرفين لإن لو كل الظروف متاحة والأثنين موجودين أمام بعض يبقى قد يتم التسرع فى الزواج أما المسافر فغصب عنة هيستنى
2 السفر لية فوائد عظيمة يتعلمها الشاب وهو مسافر ولا يتعلمها وهو فى حضن أهلة لإنة بيتحول لشخص بيعتمد على نفسة كليا ويتحمل مسئولية
ويصبح فية وقت كبير يجلش الشاب مع نفسة ليبنى اللى ناقص فية ويصلح الخربان فى شخصيتة الأتكالية وينضج تفكيرة وشخصيتة
3 البعد المكانى يحد من حدوث أى تجاوزات فى الدين بين الطرفين
4 البعد المكانى يؤدى إلى تحكم العقل وليس تحكم القلب فى القرار لإن
لو البنت أمام الولد الولد مش حيشوف أى عيوب وكذلك البنت فالعقل هو اللى بيستخدم هنا فعلا أما القلب فبيبقى مش فاهم وفاصل
5 بتشوف البنت الولد وهو فعلا شايل المسئولية فى وسط معمعة الشغل
وبعيد عن أحضان أهلة فترى فعلا معدن الشاب
6 بتقل المشاكل العظيمة اللى ممكن تحصل نتيجة أحتكاك الأهل بالأهل
أو الأهل بالعريس أو العروسة ودة بيساعد إن الجوازة تكمل بتقل المصاريف شوية فبيساعد إن العروسان يبنوا بيتهم أسرع
2 بصراحه انا بعترض على حكاية الخطوبه والاتنين بعاد عن بعض دى لاسباب كتيير منها ان خطيبك لما هيكلمك هيبقى زى الملاك معاكى و هيكون كلامكو مثالى اوى وما اظنش انكو هتتكلمو فى كل المواضيع بواقعيه زى
ما تكونو مع بعض
3 الاهم انك تشوفى تعبيرات وشه وهو بيتكلم لان ممكن تعرفى ان واحد متضايق من تعبيرات وشه من غير مايبين فى طريقة الكلام انا عندى انى اشوف اللى بتكلم معاه لان فى مواضيع الواحد لازم يبقى شايف فيها اللى قدامه وهو بيكلمو وحكاية الشات والتليفون مش كفايه
4 الحكمة من الخطوبة إنهم يعرفو بعض عن قرب والتلفون لا يغني اطلاقا
عن الرؤية الواقعية فترة الخطوبة بيتفق فيها الطرفين على تحضيرات الزواج وبردو مهم أوي وجود الطرفين البعيد عن العين بعيد عن القلب وهذا البعد سيسبب جفاء بين الطرفين
5 أكيد بعد الزواج هيبان لكل طرف حاجات مشفهاش في الطرف التاني وهيندم على الموقف ده وهو عدم التعارف الحقيقي في فترة الخطوبة
بالنسبه ان واحد يخطب و يسافر
6 ممكن ناس تقبلها وناس لأ يعنى كل واحد وظروفه وطريقة تفكيره فى ناس عايزه تحسن ظروفها و ناس تانيه مش محتاجه وفى ناس راسمه لنفسها انها عايزه تتجوز واحد وتسافر معاه وفى كل الأحوال كل واحد حر فى حلمه
أما بقى بالنسبة لحكاية ان فى ولاد بيشطرتوا وظيفة معينه للعروسه
بيكون ناتج عن انطباع معين أخدوه فى حياتهم كل واحد له الحق انه يرسم لنفسه شكل الحياه اللى هو شايف انها حتسعده
7 ان الشخص يخطب ويسافر دي بتبقى فيها مخاطرة كبيرة جدا على البنت وأنا شفت ناس عملوا كده واتجوزوا وسعداء مع بعض بس انت تضمني منين مهو لازم الواحدة تعرف الانسان اللي قدامها كويس وتعمله اختبارات فالنت والتليفون مبيبينش حقيقة الانسان زي مايكون قدامك وشايفة تعابير وجهة وحاسة اذا كان صادق ولا لا اما اذا كان عشان ميحصلش تجاوزات فالانسان الملتزم يقدر يحافظ على حدود الله بانه ميحطش نفسه في مواقف تسهله الخطأ يعني المخطوبين لو ملتزمين ومبيقابلوش بعض غير في وجود حد معاهم يبقى مفيش مجال للتجاوزات
8 يعني يسافر