Admin
Admin
المساهمات : 103
تاريخ التسجيل : 28/08/2008
 | موضوع: رجعت الدراسه وخلص اللعب  السبت سبتمبر 20, 2008 6:27 pm | |
|
السلام عليكم ورحمة الله وبركاته
خلاااااااااااااص وخلص اللعبخلصت الاجازة للاسف الشديد , الدراسة خلاص يوم السبت الجاي يعني بعد بكرة باذن الله , يالا هنعمل ايه لازم نرضي بالامر الواقع وكل عام انتم بخير .
حيث ان معظمنا لسه بيدرس سواء في المدارس او في الكليات بس الاكثر الكليات فاحنا عايزين نتكلم مع بعض شوية ممكن , طب يالا نبدأ :
انا هكلم 3 اشخاص دلوقت :
1- سنة اولي كلية .
2- المراحل بين الاولي الي الاخيرة .
3- السنة الاخيرة في الكلية .
الشخص الاول : لو كنت انت لسه طالع من ثانوي وداخل جديد ع الكلية يعني اول سنة ليك في عالم الجامعة طبعا انت هتستغرب استغراب شنيــــــــــــــــع في اول يوم _ خاصة لما تكون كليتك مختلطة _ لان الجو غريب والناس غريبة والتعاملات غريبة والدراسة غريبة والدنيا كلها غريبة فطبعا انت هتستغرب جداااااااااااا ونتيجة الاستغراب دا حالتين :
1) اما هتنبهر بهذا العالم الغريب وهبيقي نفسك تدخل في بحوره , وفي هذه الحالة انا بحذرك وبقولك اقف مكانك في مطب كبير او حفرة كبيرة انت بترمي نفسك فيها وهوضح النقطة دي فيما بعد .
2) واما هتشمأز من هذه المناظر وهتخاف ع نفسك , وفي هذه الحالة بقولك سير علي بركة الله انت ماشي في الطريق الصح بس اثبت عليه والتزم به .
فبم انك لسه داخل ولسه بريء انا بنصحك عدة نصائح لعلها تنفعك بم اني مريت بهذه المرحلة , هحطلك 5 علامات خطر ع الحاجات التالية _ علامات الخطر اللي هي بتبقي جمجمة ومعاها عضمتين علي شكل حرف x صح ! يعني خطر خطر خطر _ :
اول جمجمة وعضمتين ع : ايـــاك ثم ايـــــاك ثم ايــــــــاك من اطلاق البصر ولو بتظرة واحدة لان كل العلاقات المحرمة كان سببها نظرة فخلي بالك اوك .
ثاني جمجمة وعضمتين ع : لما هتدخل باب الكلية هتلاقي شلل وشلل من البنات والشباب فطبعا انت هتبقي عايز تتعرف ع ناس ويبقي ليك شلة انت كمان , فاوعي من هذه الشلل المختلطة لا والف لا متقليش بقي عشان الدراسة ونشرح لبعض لا يا ماما انتي وهو انتي عندك الف واحدة تسأليها وتشرحلك وانت يا بابا عندك الف واحد تسأله وبشرحلك مش عايزين حجج فاضية اوك .
ثالت جمجمة وعضمتين : لما بتلاقي الشلل دي ممكن تلاقي حد من صحابك القدام فيهم فدا يكون سبب في دخولك في هذه الشلة لالالالالالالا اوعي ولا كأنك تعرفه واعرف انه هيكون سبب في دمارك اوك.
رابع جمجمة وعضمتين_ ودي بقي الجمجمة حمرا و5 عضمات _ يعني خطر جداااااا :
انت دلوقتي غضيت بصرك والحمد لله ومدخلتش مع الشلل المختلطة ولا سلمت ع صاحبك او صاحبتك اللي في الشلة , انتي ماشية تلاقي شلة بنات بس زيك بس بنات ايه يودودكي ورا الشمس يعني بنت جايبة معاها في الشنطة كل ادوات المكياج , وبنت لابسة كذا وبنت ......... انتو عارفين الباقي ,
وانت ماشي لاقيت شلة شباب بس زيك بس شباب يودوك ورا المجموعة الشمسية كلها يعني مثلا تلاقي واحد معاه سيجارة والله اعلم ملفوفة ايه وواحد عمال يبص ع دي ودي وواحد شعره نسي يسرحه قبل مينزل وووووو ,فخلوا بالكوا من هؤلاء اوك .
خامس جمجمة وعضمتين وهي اهمهم : انت خلاص الحمد لله عديت كل علامات الخطر اللي فاتت وخارج اهو من باب الكلية ,فانا بقولك انت رايح فين حرام عليك هتسيب الناس عاملة كدة ! وهتسيب البنات والشباب بيعصوا ربنا كدة ! فين دورك ! فين الدعوة الي الله ! هتسيب المظر دا كدة ! مش هتصلح في الكلية ! امال انت مخلوق ليه ! مش عشان تصلح في الارض ! ولا نفسي نفسي ! لالالالالالالا خليك ايجابي واقتدي بحبيبك محمد وبلغ بالحكمة والموعظة الحسنة وحسن خلقك مع الناس عشان يبحبوا التدين ع ايدك ويكون لك شرف الدعوة الي الله وكلام الناس عن الله ما اجمله من شرف والله العظيم .
الشخص التاني : انت دلوقت في سنة تانية او تالتة ها ايه اخبار السنتين اللي فاتوا ؟؟يا تري شلتك عاملة ازاي ؟؟يا تري شلتك مختلطة ؟؟ يا تري نحجت وجبت تقدير ؟؟ يا تري ايه اخبار الدعوة الي الله ؟؟ كام واحد اهتدي ع ايدك ؟؟ كام كتيب ديني اعطيته لاصحابك ؟؟ كام شريط سمعته للناس ؟؟؟؟؟؟
انا بسأل نفسي معاكوا ياريت كلنا نجاوب ع هذه الاسئلة !!!!!!!!!!
الشخص التالت : انت دلوقت اخر سنة في الكلية هاااااااا ليك نفس الاسئلة اللي فاتت + انت ناوي ع ايه السنة لازم تسيب بصمة في الكلية لازم تعمل حاجة كويسة لازم لازم لازم .
وفي الختام اليكي يا نفسي واليكم هذه النصائح :
1) غض البصر .
2) تجنب الشهوات والاختلاط .
3) تجنب الصحبة السيئة .
ومعلش قبل مكمل الباقي في حل3 *معينات لحل ال 3 نصائح الاولي :
1)* حفظ القرآن .
2)* حضور دروس علم .
3)* سماع الشرائطفي البيت .
4) حدد ليك هدف في السنة غير النجاح والنجاح بتفوق كمان , يكون هدف في الدين زي فقه او اشترك في معهد اعداد دعاه اووووو.
5) العمل في الدعوة .
6) لازم اظبط المنبه ع صلاة الفجر مش علي المحاضرة الاولي _ عشان تبطل شكوي حرام عليكوا _ .
7) مصحفي في جيبي او في شنطتي مع البطاقة بالظبط دا هويتي .
 شنطة الدعوة فيها شرائط توزعها ع اصحابك وكتيبات صغيرة وزيعيها ع صحباتك .
9) اعطي حق الله واعطي حق الدراسة ولو ساعتين مذاكرة خفيفة .
ويارب اكون افدت نفسي وافتدكوا بهذا الكلام ياااااااااااااارب وعايزة رايكوا وجزاكم الله خيرا والسلام عليكم ورحمة الله وبركاته واللهم بلغنا ليلة القدر | |
|
